"PSJ" yarim himoyachisi Xavi Simons yozgi transfer oynasida klubini o‘zgartirishi mumkin.
Niderlandiyalik futbolchi asosiy tarkibda doimiy o‘rin egallaydigan jamoada o‘ynashni istaydi. Insayder Fabrisio Romanoning so‘zlariga ko‘ra, “Manchester Yunayted”ning 21 yoshli o‘sib borayotgan yulduzga qiziqishi haqidagi mish-mishlar o‘z-o‘zidan paydo bo‘lmagan – “qizil iblislar” haqiqatdan ham hujumkor yarim himoyachiga jiddiy qiziqmoqda va hatto “PSJ”ga ham so‘rov bilan chiqishgan. Biroq klublar o‘rtasida transfer borasida aniq muzokaralar hozircha davom etayotgani yo‘q. Simonsga asosiy da’vogarlar Germaniyaning “RB Leypsig” va “Bavariya” klublaridir.
