"ПСЖ" ярим ҳимоячиси Хави Симонс ёзги трансфер ойнасида клубини ўзгартириши мумкин.
Нидерландиялик футболчи асосий таркибда доимий ўрин эгаллайдиган жамоада ўйнашни истайди. Инсайдер Фабрицио Романонинг сўзларига кўра, “Манчестер Юнайтед”нинг 21 ёшли ўсиб бораётган юлдузга қизиқиши ҳақидаги миш-мишлар ўз-ўзидан пайдо бўлмаган – “қизил иблислар” ҳақиқатдан ҳам ҳужумкор ярим ҳимоячига жиддий қизиқмоқда ва ҳатто “ПСЖ”га ҳам сўров билан чиқишган. Бироқ клублар ўртасида трансфер борасида аниқ музокаралар ҳозирча давом этаётгани йўқ. Симонсга асосий даъвогарлар Германиянинг “РБ Лейпциг” ва “Бавария” клубларидир.
