"Mets" hujumchisi Jorj Mikautadze "Monako"ga o‘tishdan bosh tortdi va faoliyatini "Lion"da davom ettiradi.

L'Equipe xabariga ko‘ra, "Monako" 23 yoshli futbolchini 25 million yevro evaziga transfer qilishga rozi bo‘lgan, biroq u 13 iyulga belgilangan tibbiy ko‘rikga kelmagan. Ma’lum qilinishicha, Mikautadze monegasklarning taklifini rad etgan va yashirincha "Lion"ga o‘tishga rozi bo‘lgan.

Manbaga ko‘ra, forvard yangi klubi bilan 5 yillik mehnat shartnomasi imzolaydi. Qayd etilishicha, "Mets" gruziyalikni sotishdan 18 million yevro ishlab oladi.