Xabaringiz bor, joriy yilning 5 iyul kuni Namanganda o‘tkazilgan O‘zbekiston kubogi 1/8 finalidan o‘rin olgan «Navbahor» – «Buxoro» (1:0) o‘yinida namanganliklarning 25 yoshli himoyachisi Ibrohim Yo‘ldoshev tizzasidan jarohat olgandi.
Yo‘ldoshev kecha Turkiyaning Istanbul shahrida jarrohlik amaliyotini o‘tkazdi. Bu haqda klub matbuot xizmati xabar berdi.
«Biz Ibrohim Yo‘ldoshev bilan bog‘langanimizda, jarrohlik amaliyoti muvaffaqiyatli o‘tganligi, sog‘ligi joyida ekanligini ta’kidlab, «Navbahor» klubi rahbariyati hamda xodimlari, jamoamiz murabbiylar shtabi va futbolchilari, shuningdek, muxlislarga o‘zining alangali salomini yetkazdi.
Biz mahoratli himoyachining jarohatidan tezroq forig‘ bo‘lib, «lochinlar» safiga qaytishiga tilakdoshmiz», - deyiladi klub xabarida.
