Хабарингиз бор, жорий йилнинг 5 июль куни Наманганда ўтказилган Ўзбекистон кубоги 1/8 финалидан ўрин олган «Навбаҳор» – «Бухоро» (1:0) ўйинида наманганликларнинг 25 ёшли ҳимоячиси Иброҳим Йўлдошев тиззасидан жароҳат олганди.
Йўлдошев кеча Туркиянинг Истанбул шаҳрида жарроҳлик амалиётини ўтказди. Бу ҳақда клуб матбуот хизмати хабар берди.
«Биз Иброҳим Йўлдошев билан боғланганимизда, жарроҳлик амалиёти муваффақиятли ўтганлиги, соғлиги жойида эканлигини таъкидлаб, «Навбаҳор» клуби раҳбарияти ҳамда ходимлари, жамоамиз мураббийлар штаби ва футболчилари, шунингдек, мухлисларга ўзининг алангали саломини етказди.
Биз маҳоратли ҳимоячининг жароҳатидан тезроқ фориғ бўлиб, «лочинлар» сафига қайтишига тилакдошмиз», - дейилади клуб хабарида.
