"Yuventus" hujumchisi Matias Soule hali "Roma"ga o‘tayotgani yo‘q.
21 yoshli futbolchi rimliklar bosh murabbiyi Daniele de Rossining asosiy transfer maqsadlaridan biri hisoblanadi. Argentinalik futbolchining o‘zi "Roma"ga o‘tishni istaydi va allaqachon "bo‘rilar"ga rozilik bergan, ammo "Yuventus" bu kelishuvni ma’qullamagan. Insayder Fabrisio Romanoning so‘zlariga ko‘ra, "keksa sinyora" rahbariyati Sule bo‘yicha birinchi taklifni rad etgan. Turinliklar forvardga yana bir da’vogar bo‘lgan "Lester" yanada qulayroq shartlarni taklif qila olishiga ishonmoqda.
"Roma" Matias Soule uchun taxminan 20 million yevro to‘lashga tayyor edi. Transfermarkt portali futbolchining narxini 25 million yevroga baholagan.
