"Manchester Yunayted" yarim himoyachisi Skott Maktominey Angliyadan Turkiyaga ko‘chib o‘tishi mumkin.

Jurnalist Nikolo Skiraning fikricha, "Galatasaroy" shotlandiyalik futbolchini qo‘lga kiritmoqchi. Istanbulliklar jamoasi 27 yoshli yarim himoyachi uchun “qizil iblislar” bilan muzokaralarni boshlab yuborgan. Transfer shu yozda amalga oshishi mumkin.

O‘tgan mavsumda Maktominey "Manchester Yunayted" safida 43 ta o‘yinda maydonga tushib, 10 ta gol urgan va 3 ta golga assistentlik qilgan. Turkiyada yangi mavsum 11 avgust kuni boshlanadi.