"RB Leypsig" bosh murabbiyi Marko Roze yarim himoyachi Xavi Simons yangi mavsumda jamoada o‘ynashda davom etishiga umid bildirdi.
Eslatib o‘tamiz, niderlandiyalik futbolchi “PSJ”ga tegishli bo‘lib, so‘nggi mavsumda “RB Leypsig”da ijara asosida o‘ynagan.
"Umid qilamizki, Simons "RB Leypsig"ga qaytadi. Biz hali ham buning ustida ishlayapmiz va optimistmiz.
Biz u uchun kurashyapmiz, shuning uchun ham men Xavi rasman klubga tegishli bo‘lmaganiga qaramay, uni hamon o‘z futbolchimiz deb bilaman", - deya mutaxassisning so‘zlaridan iqtibos keltiradi jurnalist Filipp Xayns.
