Erik Kantona klubni to‘g‘ri boshqarish muhimligi haqida gapirdi.

"Manchester Yunayted"ning sobiq hujumchisi klubning amaldagi xo‘jayini bilan gaplashdimi yoki yo‘qmi, degan savolga "aslida yo‘q" deb javob berdi. Kantona milliarderni "o‘z sohasidagi afsona" deb atadi.

“Men ko‘p odamlarni ilhomlantiraman va ko‘p odamlardan ilhomlanaman.

Ular bugun klub poydevori ustida ishlamoqda, biz ko‘rmaydigan narsalarni muhokama qilmoqda. Ammo uy qurayotganda, poydevorni mustahkamlash muhimdir. Agar siz uyning biroz qiyshayganligini his qilsangiz, poydevorni qayta qurasiz.

Ba’zan biz menejerlarning ahamiyatini kam baholaymiz. Gap futbolchilar, murabbiylar haqida ketyapti... Lekin Roman Abramovich ketganidan keyin “Chelsi”ga qarang – klub bir xil darajada emas.

Menejerning vazifasi klubda juda muhim. Jim Retkliff poydevor qura oladigan odam. "Manchester Yunayted" yaqin yillarda o‘zining avvalgi cho‘qqilariga qaytadi", - dedi Kantona.