«Yuventus» Karim Adeyemi o‘rniga «Portu»dan Venderson Galenoni sotib olishi mumkin.

22 yoshli germaniyalik vingerga Turin klubi qiziqish bildirayotgani avvalroq xabar qilingandi. Biroq, bunday transferni amalga oshirish uchun «Yuventus» ba’zi futbolchilarini sotishi kerak.

Dortmundliklar Adeyemi uchun 45-50 million yevro talab qilayotgani xabar qilingan.

Shu sababli, «Yuventus» rahbariyati muqobil variantni ko‘rib chiqmoqda: agar Dortmund klubi o‘z talablarini pasaytirmasa va Adeyemining transferini amalga oshirib bo‘lmasa, turinliklar «Portu» vingeri Venderson Galenoni sotib olishlari mumkin.

Jurnalist Alfredo Pedullaning so‘zlariga ko‘ra, Galeno uchun tovon puli taxminan 60 million yevroni tashkil etadi, ammo Portugaliyada uni 30 million va bonuslar evaziga sotish mumkinligiga ishonishadi.

O‘tgan mavsumda 26 yoshli vinger Portugaliya chempionatida 31 ta o‘yin o‘tkazib, 9 ta gol urdi va 7 ta golli uzatmani amalga oshirdi.