«Ювентус» Карим Адейеми ўрнига «Порту»дан Вендерсон Галенони сотиб олиши мумкин.

22 ёшли германиялик вингерга Турин клуби қизиқиш билдираётгани аввалроқ хабар қилинганди. Бироқ, бундай трансферни амалга ошириш учун «Ювентус» баъзи футболчиларини сотиши керак.

Дортмундликлар Адейеми учун 45-50 миллион евро талаб қилаётгани хабар қилинган.

Шу сабабли, «Ювентус» раҳбарияти муқобил вариантни кўриб чиқмоқда: агар Дортмунд клуби ўз талабларини пасайтирмаса ва Адейемининг трансферини амалга ошириб бўлмаса, туринликлар «Порту» вингери Вендерсон Галенони сотиб олишлари мумкин.

Журналист Альфредо Педулланинг сўзларига кўра, Галено учун товон пули тахминан 60 миллион еврони ташкил этади, аммо Португалияда уни 30 миллион ва бонуслар эвазига сотиш мумкинлигига ишонишади.

Ўтган мавсумда 26 ёшли вингер Португалия чемпионатида 31 та ўйин ўтказиб, 9 та гол урди ва 7 та голли узатмани амалга оширди.