Madridning “Atletiko” klubi hujumchisi Joau Feliksning kelajagi noma’lumligicha qolmoqda.
Jurnalist Fabrisio Romanoning xabar berishicha, "Aston Villa" haligacha "Atletiko"ga Feliks bo‘yicha rasmiy taklif yubormagan. Qayd etilishicha, Angliya jamoasi bosh murabbiyi Unai Emeri 24 yoshli portugaliyalikni sotib olishni talab qilmoqda.
Feliks o‘tgan mavsumni "Barselona"da ijara asosida o‘tkazdi. Kataloniyaliklar tarkibida futbolchi barcha turnirlarni hisobga olgan holda 44 ta o‘yinda qatnashib, o‘nta gol urdi va oltita golli uzatmani amalga oshirdi.
