"Tottenxem" o‘ng qanot himoyachisi Emerson Royal "Milan"ga o‘tish arafasida.

Klublar uzoq vaqt kelishuv shartlari bo‘yicha kelisha olishmadi, ammo endi ular murosa topishgan ko‘rinadi. Insayder Janluka Di Marsioning so‘zlariga ko‘ra, "Milan" yaqinda "Tottenxem"ga yaxshilangan taklif yuborgan va transfer yopilish arafasida. "Rossonerilar" rahbariyati yangi haftada braziliyalik futbolchi bilan shartnoma imzolashni rasmiylashtirmoqchi.

Avvalroq “shporlar” Emerson Royalni sotishdan 20 million yevrodan ko‘proq daromad olmoqchi ekani haqida xabar berilgandi. 25 yoshli futbolchi londonliklar safida 102 ta o‘yinda maydonga tushib, 4 ta gol va 2 ta golli uzatmaga mualliflik qilgan.