"Тоттенхэм" ўнг қанот ҳимоячиси Эмерсон Роял "Милан"га ўтиш арафасида.
Клублар узоқ вақт келишув шартлари бўйича келиша олишмади, аммо энди улар муроса топишган кўринади. Инсайдер Жанлука Ди Марционинг сўзларига кўра, "Милан" яқинда "Тоттенхэм"га яхшиланган таклиф юборган ва трансфер ёпилиш арафасида. "Россонерилар" раҳбарияти янги ҳафтада бразилиялик футболчи билан шартнома имзолашни расмийлаштирмоқчи.
Аввалроқ “шпорлар” Эмерсон Роялни сотишдан 20 миллион евродан кўпроқ даромад олмоқчи экани ҳақида хабар берилганди. 25 ёшли футболчи лондонликлар сафида 102 та ўйинда майдонга тушиб, 4 та гол ва 2 та голли узатмага муаллифлик қилган.
