«PSJ» klubi PSVdan Yerdi Sxautenga qiziqish bildirmoqda.

Parijliklarning keyingi vaqtdagi ustuvorligi Joau Nevesh bo‘lib qolmoqda. «PSJ» hali «Benfika» bilan yakuniy kelishuvga erishgani yo‘q, ammo yaqin kunlarda yarim himoyachining transferini yakunlashga umid qilmoqda. Keyin fransuz klubi rahbariyati ikkinchi yarim himoyachini sotib olish borasida qaror qabul qiladi.

Parijliklar yangi futbolchiga joy bo‘shatish uchun bir nechta sotuvlar amalga oshirishga umid qilmoqda. Hozirda, Manuel Ugarte «Manchester Yunayted»ga o‘tishi kutilmoqda.

Luish Kampush Sxautenga bo‘lgan qiziqishiga qaramay, oldin Joau Nevesh kelishini kutish kerakligini aniq aytdi, deb xabar beradi "L'Equipe".

O‘tgan mavsumda Sxauten Niderlandiya chempionatida 29 ta o‘yin o‘tkazib, 4 ta gol urgan.