«ПСЖ» клуби ПСВдан Йерди Схаутенга қизиқиш билдирмоқда.

Парижликларнинг кейинги вақтдаги устуворлиги Жоау Невеш бўлиб қолмоқда. «ПСЖ» ҳали «Бенфика» билан якуний келишувга эришгани йўқ, аммо яқин кунларда ярим ҳимоячининг трансферини якунлашга умид қилмоқда. Кейин француз клуби раҳбарияти иккинчи ярим ҳимоячини сотиб олиш борасида қарор қабул қилади.

Парижликлар янги футболчига жой бўшатиш учун бир нечта сотувлар амалга оширишга умид қилмоқда. Ҳозирда, Мануэль Угарте «Манчестер Юнайтед»га ўтиши кутилмоқда.

Луиш Кампуш Схаутенга бўлган қизиқишига қарамай, олдин Жоау Невеш келишини кутиш кераклигини аниқ айтди, деб хабар беради "L'Equipe".

Ўтган мавсумда Схаутен Нидерландия чемпионатида 29 та ўйин ўтказиб, 4 та гол урган.