Nigeriyalik yuguruvchi Ofili Favor Olimpiya o‘yinlarida 100 metrga yugurmaydigan bo‘ldi, chunki Nigeriya yengil atletika federasiyasi va MOQ sportchini musobaqada ro‘yxatdan o‘tkazmagan. Favor start uchun uch yil davomida tayyorlangan.
"Keyingi bekat 200 metr, umid qilamanki, tan olishadi...", – deya Favor ijtimoiy tarmoqlarda yozib chiqdi.
21 yoshli yuguruvchi Tokio-2020 Olimpiadasida WADA talablariga javob bermagani uchun musobaqadan chetlatilgan edi.
Ayollar o‘rtasida 100 metrga yugurish bo‘yicha saralash bahslari 2 avgust kuni soat 13:35da boshlanadi. Final poygasi 3 avgust kuni bo‘lib o‘tadi.
