Iyun oyining so‘nggi kunida yarim himoyachi Adriyen Rabyoning "Yuventus" bilan shartnomasi yakuniga yetdi.

Shundan so‘ng tomonlar muzokaralarni davom ettirishdi, biroq bir to‘xtamga kela olishmadi va "keksa sinyora" futbolchidan ajralishini e’lon qildi.

Endi Rabyo ijtimoiy tarmoqdagi post orqali sukunatini buzdi.

"Yuventus"dagi besh mavsumdan so‘ng, Turindagi besh yillik faoliyatimdan so‘ng, men sizga rahmat aytmoqchiman.

Yaqin atrofimda bo‘lganlarning hammasiga rahmat. Klub va uning barcha xodimlaridan minnatdorman.

Hammasi uchun rahmat, “Yuventus”. Xayr va omad”, - deb yozdi Rabyo.