Angliya futbol klublarida majburiy xilma-xillik hisobotini joriy qiladi.

Sky Sports xabariga ko‘ra, Angliya futbol assosiasiyasi (FA) 2024/25 yilgi mavsum boshlanishiga qadar tegishli reglamentni yakunlashni rejalashtirmoqda. Yangi qoidalar professional futbol klublari uchun xodimlar xilma-xilligi haqida hisobot berishni majburiy qiladi. Hisobot xodimlarning yoshi, jinsi, millati, sog‘lig‘i va yo‘nalishi bo‘yicha to‘liq ma’lumotlarni taqdim etishni o‘z ichiga oladi.

Qayd etilishicha, majburiy hisobotni joriy etishga o‘tgan yil oxirigacha Angliyaning FA Divercity Code'ga imzo chekkan 53 ta professional klubi ishga olish bo‘yicha sakkizta maqsaddan birortasini bajarmagani haqidagi ma’lumotlar yordam bergan. Assosiasiya Angliyadagi erkaklar va ayollar ligalari vakillari bilan maslahatlashdi.

FA, shuningdek, birinchi marta 2024 yilda Race Representation Index (RRI) ga kiritilib, 92 milliy futbol boshqaruv organi orasida 18-o‘rinni egalladi.