Matteys de Ligtning "Manchester Yunayted"ga o‘tishi borasidagi muzokaralar boshi berk ko‘chaga kirib qoldi.

Sky xabariga ko‘ra, niderlandiyalik himoyachi ta’tildan so‘ng "Bavariya"ga qaytadi va nemis klubida mavsumoldi mashg‘ulotlarni boshlaydi. “Manchester Yunayted” bilan hali kelishuvga erishilmagan – myunxenliklar hali ham 50 million yevro va bonuslar talab qilmoqda.

Qayd etilishicha, de Ligt transferdan xavotirda emas, chunki u ingliz klubi bilan transfer borasida kelishib olgan, "Bavariya" esa uni sotmoqchi.