"Bolonya" "Sassuolo" himoyachisi Martin Erlichning transferini e’lon qildi.
26 yoshli xorvatiyalik himoyachi "Bolonya" futbolchisiga aylandi. Futbolchi va klub o‘rtasidagi kelishuv tafsilotlari hozircha oshkor etilmagan.
TuttoMercatoWeb nashri xabariga ko‘ra, transfer summasi taxminan 7 million yevroni tashkil qilgan.
O‘tgan mavsumda Erlich A Seriyada "Sassuolo" tarkibida 32 ta o‘yinda maydonga tushib, 1 ta gol urgan.
Himoyachi Xorvatiya terma jamoasining Yevro-2024 uchun tarkibidan joy olgan, biroq turnirda maydonga tushmagan.
