"Chelsi"ning o‘ng qanot himoyachisi Malo Gyusto Konferensiyalar ligasida o‘ynash haqida gapirdi.
"Ko‘klar" Premyer-liganing so‘nggi mavsumida oltinchi o‘rinni egalladi va buning evaziga daraja jihatidan uchinchi muhim turnirga yo‘llanmani qo‘lga kiritdi.
Londonliklar turnirdagi sayohatlarini pley-off bosqichidan boshlaydi.
"Bu ko‘p narsadan yaxshiroq. Biz qadamma-qadam olg‘a borishimiz kerak. Bizda yosh jamoa bor va Konferensiyalar ligasi biz uchun foydali bo‘lishi mumkin – biz yevrokuboklarda tajriba orttiramiz.
Bizda yoqimli xotiralar qoldirish imkoniyati bo‘ladi. Bu mavsumda nimadir yutishimiz kerak - bu bizning maqsadimiz.
Gap Premyer-liga, kubok yoki Konferensiyalar ligasida g‘alaba qozonish haqida bormoqda. Kuboklarni qo‘lga kiritish muhim", - deya Gyustoning so‘zlarini keltiradi The Athletic.
