Maks Eberl Xarri Keynning salomatligi haqida gapirdi.
"U sog‘lom! Xarri keyingi hafta o‘rtalarida qaytadi.
Jarohatlar unchalik jiddiy emas edi; Yevro finaldagi mag‘lubiyatdan umidsizlik ko‘proq bo‘ldi" - dedi "Bavariya" direktori Sky bilan suhbatda.
Keyn shanba kuni o‘zining sobiq jamoasi "Tottenxem"ga qarshi o‘rtoqlik o‘yini uchun jamoa bilan birga boradi.
"Albatta, u biz bilan Londonga uchib ketadi, chunki bu qaysidir ma’noda uning o‘yini. Keyin esa uni asta-sekin tayyorlaymiz, Germaniya kubogida o‘ynaymiz va u Bundesligaga tayyor bo‘ladi", — deya qo‘shimcha qildi Eberl.
