Kataloniyaning “Barselona” klubi sport direktori Deku “RB Leypsig” bilan yarim himoyachi Dani Olmoning transferi bo‘yicha muzokara o‘tkazish uchun Germaniyaga yetib keldi.
Jurnalist Fabrisio Romano bergan ma’lumotlarga ko‘ra, Deku klub bilan tovon puli miqdori, shuningdek, bonuslar va to‘lovlar tuzilishi borasida kelishib olmoqchi. Oldinroq “RB Leypsig” Olmoni 60 million yevro evaziga qo‘yib yuborishi haqida xabar berilgandi.
"Barselona" talablarni qondirishga tayyor, ammo "blaugrana" bu summaning bir qismini kelajakda bonuslar ko‘rinishida bermoqchi.