Fransiya futbol federasiyasi mamlakat ayollar terma jamoasi bosh murabbiyi, jamoani 2023 yildan buyon boshqarib kelayotgan Erve Renar iste’foga chiqarilganini e’lon qildi.
55 yoshli mutaxassis Fransiya terma jamoasi o‘z maydonida o‘tkazilgan Olimpiadaning chorak finalida Braziliyaga (0:1) mag‘lub bo‘lgach ishdan bo‘shatildi.
Renar Afrika Millatlar Kubogining (Zambiya va Kot-d'Ivuar erkaklar terma jamoalari bilan) ikki karra g‘olibi.
U, shuningdek, Marokash va Saudiya Arabistoni erkaklar terma jamoalari bilan ishlagan va jahon chempionatining final bosqichiga olib kelgani bilan ham tanilgan.
