“Manchester Siti” hujumchisi Xulian Alvares faoliyatini Madridning “Atletiko” klubida davom ettiradi.
Bu haqda taniqli jurnalist Fabrisio Romano xabar bermoqda. Manbaga ko‘ra, "Atletiko" kelishuvni yakunlash uchun barcha kerakli hujjatlarni hozirdan tayyorlamoqda.
Ta’kidlanishicha, Alvaresni xarid qilish "matraschilar" uchun 75 million yevro va yana 20 million bonus to‘lovlarni talab qiladi.
Manbaga ko‘ra, 24 yoshli futbolchi "Atletiko" bilan 2029 yilgacha mo‘ljallangan shartnoma imzolaydi.