"Bavariya" sport direktori Kristof Froynd vinger Brayan Saragosaning mavsum oxirigacha ijara asosida "Osasuna"ga ketishi haqida gapirdi.
"Saragosa hali ham "Bavariya"da muvaffaqiyat qozonishni xohlaydi. Buning uchun unda hamma narsa bor. Ishonchimiz komilki, o‘z vatanida o‘tkazadigan mavsum unga yordam beradi. Brayan ko‘p o‘yinlarni yuqori saviyada o‘tkazishi kerak. "Osasuna - bu maqsadga erishish uchun ajoyib joy", - dedi Froynd "Bavariya" rasmiy saytiga.
O‘tgan mavsumda Saragosa Bundesligada 7 ta o‘yin o‘tkazdi.
