Himoyachi Emerik Laportga Saudiya Arabistonidagi futbol yoqmadi. Futbolchi o‘tgan avgust oyida «An-Nasr» bilan shartnoma imzolagan edi, ammo endi u ketishni istamoqda. "Todofichajes" xabariga ko‘ra, 30 yoshli Laport o‘z agentlaridan Yevropaga qaytish masalasini imkon qadar tezroq hal qilishni so‘ragan.

Manbaga ko‘ra, Laport «An-Nasr» bilan shartnomasining qolgan ikki yili uchun unga tegishli bo‘lgan puldan voz kechishi mumkin. Futbolchi bu vaziyatda Saudiya klubi uni kichik transfer summasiga yoki hatto tekinga qo‘yib yuborishiga umid qilmoqda.

Emerik Laport Saudiya Arabistoniga ko‘chib o‘tishdan oldin «Manchester Siti»da o‘ynagan.