Superligada 15-tur o‘yinlari davom ettirildi. "So‘g‘diyona" jamoasi bu tur o‘z maydonida "Mettalurg"ni qabul qildi va 2:2 hisobida durang o‘ynadi. Bellashuvdan so‘ng mezbonlar bosh murabbiyi Ivan Boshkovich matbuot anjumanida ishtirok etdi.

Bahs juda og‘ir bo‘ldi. Birinchi bo‘limda biz uchrashuvni to‘liq nazorat qila oldik. Vaziyatlar bo‘ldi. Ikkinchi bo‘limda o‘yinni kuchaytirishga harakat qildik, ammo charchoq sezildi. Navbahor bilan o‘tgan 120 daqiqalik bellashuv o‘z tasirini ko‘rsatdi. Bugun jismoniy charchoqdan ko‘ra konsentrasiyani yo‘qotganimiz ko‘proq pand berdi.

Ikkinchi qavatdagi to‘plarni yuta olmadik. Raqib ikkinchi bo‘limda bizni jarima maydonimizga kirib kelishni uddaladi. O‘ylashimcha, ular bizni yaxshi o‘rganishgan va standartlardagi xatolarimizdan foydalanishdi. Keyingi o‘yinlarda xatolar ustida ishlaymiz.

Bunday uchrashuvlarda og‘riqning ustidan harakat qilishga odatlanishimiz kerak. Metallurg ikkinchi bo‘limda yaxshiroq harakat qildi. Kurashlar evaziga o‘yinni quritishdi.