Xerardo Martino Lionel Messining qachon maydonga qaytishini bilmasligini aytdi.
37 yoshli “Inter Mayami” hujumchisi Amerika kubogi final uchrashuvida to‘pig‘idan olgan jarohati tufayli o‘yinlarni o‘tkazib yubordi.
"Leoning tiklanishida oldinga siljish bor, ammo hozircha uning umumiy guruhga qaytishi haqida aniq sana ma’lum emas. U alohida mashg‘ulotlarni davom ettirmoqda.
Uning yo‘qligi jamoaga turlicha ta’sir qiladi. Ba’zida biz boshqa asosiy o‘yinchilarsiz ishlashga majbur bo‘layotganimiz vaziyatni yanada og‘irlashtiradi.
Qachonki barcha futbolchilarimiz maydonga tusha olsa, biz chinakam raqobatbardosh jamoaga aylanamiz", - dedi Florida klubi bosh murabbiyi.
