Ispaniyaning "Jirona" klubi Chempionlar ligasidagi debyut mavsumi oldidan tarkibni kuchaytirish uchun astoydil harakat qilmoqda.

Fichajes.net portali xabariga ko‘ra, Kataloniya klubi Ispaniya terma jamoasi bilan 2024 yilgi Olimpiada chempioniga aylangan "Almeriya"ning o‘ng qanot himoyachisi Mark Pubilga qiziqish bildirmoqda.

Manbaga ko‘ra, "Jirona" 21 yoshli futbolchining 16 million yevroni tashkil qiluvchi tovon pulini to‘lashga tayyor. Futbolchining o‘zi ham Chempionlar ligasida o‘ynashga qarshi emas.

Eslatib o‘tamiz, 2023/24 yilgi mavsumda Mark Pubil klub miqyosida 23 ta o‘yin o‘tkazib, 1 ta gol va 3 ta golli uzatmani amalga oshirgan.