"Chelsi" hujumkor yarim himoyachisi Koul Palmer klub bilan shartnomasini uzaytirdi. Bu haqda jurnalist David Ornshteyn xabar bermoqda.

Manbaga ko‘ra, 22 yoshli futbolchi londonliklar jamoasi bilan yangi shartnoma imzolagan va u endilikda 2033 yilgacha (ilgari 2031 yilgacha) amal qiladi. Ta’kidlanishicha, Palmer yangi kelishuvga ko‘ra sezilarli darajada ko‘proq maosh oladi.

Shu tariqa, "Chelsi" rahbarlari o‘z yarim himoyachisiga o‘tgan mavsumdagi ajoyib o‘yini uchun minnatdorchilik bildirishga qaror qilishdi, deya xulosa qildi manba.

2023/24 yilgi mavsumda Palmer "Chelsi" safida 45 ta o‘yinda maydonga tushib, 25 ta gol urdi va 15 ta golli uzatmani amalga oshirdi.