"Челси" ҳужумкор ярим ҳимоячиси Коул Палмер клуб билан шартномасини узайтирди. Бу ҳақда журналист Давид Орнштейн хабар бермоқда.

Манбага кўра, 22 ёшли футболчи лондонликлар жамоаси билан янги шартнома имзолаган ва у эндиликда 2033 йилгача (илгари 2031 йилгача) амал қилади. Таъкидланишича, Палмер янги келишувга кўра сезиларли даражада кўпроқ маош олади.

Шу тариқа, "Челси" раҳбарлари ўз ярим ҳимоячисига ўтган мавсумдаги ажойиб ўйини учун миннатдорчилик билдиришга қарор қилишди, дея хулоса қилди манба.

2023/24 йилги мавсумда Палмер "Челси" сафида 45 та ўйинда майдонга тушиб, 25 та гол урди ва 15 та голли узатмани амалга оширди.