Superligada 16-tur start oldi. «Metallurg» jamoasi bu tur «Neftchi»ga qarshi bahs olib bordi va 0:0 hisobida durang o‘ynadi. Bellashuvdan so‘ng jamoa bosh murabbiyi Grigoriy Kolosovskiy matbuot anjumanida ishtirok etdi.

— O‘yin haqida nima deyishim mumkin? Biz yana ikki ochkoni yo‘qotdik. Juda og‘ir ahvoldamiz. Vaholanki, gol kiritish uchun imkoniyatlarimiz bo‘ldi. 0:0 ni yomon natija deb bo‘lmaydi, ammo bizning xolatimizda emas. Biz uchun har bir bahs finalga teng. Farg‘ona klubi bir kun ko‘proq dam olgani ham sezildi. Ular yengilroq harakat qilishdi. Yigitlar kurashishdi.

— Jamoa natijalaridan qanoatlandingizmi?

— Bir uchrashuvda yengilib, ikkinchisida g‘alaba qozongan ikkita durangdan yaxshiroq. O‘yin sifati yaxshilandi, ammo omad kemayapti.

— Futbolchilar nega darvozaga zarba bermayapti?
— Asad ikki marta yaxshi vaziyatdan zarba yo‘lladi. Hamma zarba ham golga aylanmaydi. Buni istasak ham imkoni yo‘q. Yigitlar g‘alabani xohlagan edi. Afsus, uddalay olmadik.

— "Dinamo" bilan keyingi bellashuvdan nima kutyapsiz?

— Quvnoq jamoa. Ularga jiddiy tayyorgarlik ko‘ramiz. Bir kun dam olib, mashg‘ulotlarga kirishamiz. Navbatma-navbat maqsad sari yuramiz. To‘xtab qolmaslik kerak.