"Chelsi" Maurisio Pochettinoning AQSH terma jamoasiga bosh murabbiy etib tayinlanishiga qarshi emas.
“Ko‘klar” argentinalikni avvalgi Angliya chempionati yakunida – 2+1 sxemasi bo‘yicha shartnoma imzolaganidan bir yil o‘tib iste’foga chiqargandi.
The Athletic nashrining xabar berishicha, Pochettinoning londonliklar bilan shartnomasida olti oyga APLning kuchli oltilik klubiga o‘tishi taqiqlangan.
Maurisioga AQSH terma jamoasida bo‘shatilgan o‘rinni egallashiga to‘sqinlik qiladigan hech qanday cheklovlar yo‘q.
"Chelsi"dagi manbalarning ta’kidlashicha, agar u ishga tushsa, jamoa murabbiydan hech narsa qarzdor bo‘lmaydi. Shu bilan birga, terma jamoalardagi maoshlar odatda klublarnikidan past bo‘ladi.
Maurisio allaqachon Amerika terma jamoasi bilan hamkorlik qilishga og‘zaki rozilik bergan.
