Emmanuel Peti Mark Kukurelya va Erling Xoland o‘rtasidagi vaziyat haqida gapirdi.
"Erling Xolandning Mark Kukurelya oldida urgan golini ajoyib deb hisoblash mumkin. Bu menga o‘zim o‘ynagan paytlarimni va muhim o‘yinlar oldidan ba’zi futbolchilar matbuot anjumanlarida ko‘p gapirganlarini eslatadi.
Jamoalarda biz doimo shunday derdik: o‘yin oldidan biron bir futbolchi haqida ko‘p gapirmang, aks holda bu bizga teskari ta’sir ko‘rsatishi mumkin.
Bunday suhbatlar Xoland bilan bo‘lgani kabi raqibni yanada yaxshiroq o‘ynashga undashi mumkin. Keyingi safar raqibni g‘azablantirma, og‘zingni yum, o‘yin va sovrinlarni yutib ol, tamom, kamtarroq bo‘l", - deya Kukurelyaga maslahat berdi "Arsenal"ning sobiq yarim himoyachisi.
