Krishtianu Ronaldu Jorjina Rodrigesga uylanganiga shama qildi. 39 yoshli futbolchi Jorjina bilan 2016 yildan beri uchrashib keladi.
Er-xotinning ikkita farzandi bor, lekin Rodriges yana surrogat orqali tug‘ilgan Krishtianuning uchta farzandini tarbiyalamoqda.
Er-xotin turmush qurishlarini oshkora e’lon qilmagan. Biroq Ronaldu o‘zining yangi YouTube kanalida Jorjinani aynan o‘zining "xotini" sifatida tanishtirdi.
Shuningdek, Ronaldu va Jorjina bir xil barmoqlariga uzuk taqishlari qayd etilgan.