"Inter" "Talyeres"dan argentinalik himoyachi Tomas Palasiosni o‘z safiga qo‘shib oladi.

Insayder Fabrisio Romano xabariga ko‘ra, "neradzurridar" rahbariyati 21 yoshli argentinalik himoyachining transferi bo‘yicha kelishib olgan.

Transfer summasi 6,5 million yevroni tashkil qiladi, futbolchi uzoq muddatli shartnoma imzolaydi. Palasios avvalroq Bundesligadan kelgan ikkita taklifni rad etgandi.

Tibbiy ko‘rik allaqachon belgilab qo‘yilgan va transfer keyingi haftada yakunlanadi.

Transfermarkt ma’lumotlariga ko‘ra, futbolchining bo‘yi 196 santimetr.