"Yuventus" yarim himoyachisi Artur Melo Saudiya Arabistoni chempionati vakillarining qiziqish doirasiga tushib qoldi.
28 yoshli futbolchi bosh murabbiy Tyago Mottaning rejalariga to‘g‘ri kelmayapti, shu bois "byankonerilar" rahbariyati yarim himoyachi bo‘yicha takliflarni tinglashga tayyor bo‘ladi.
Insayder Nikolo Skira xabariga ko‘ra, braziliyalik futbolchiga nomi oshkor etilmagan Saudiya klubi qiziqmoqda.
Futbolchi “Yuventus” u bilan hisoblashmayotganini tushunib turibdi va yaqin orada ketishga tayyor. O‘tgan mavsumda Artur Melo "Fiorentina"da ijara asosida o‘ynadi.