Di Marsioning so‘zlariga ko‘ra, "Chelsi" Raxim Sterling va Ben Chiluellni Jeydon Sanchoga almashtirishni ko‘rib chiqmoqda.
Jeydon Sancho "Manchester Yunayted" bosh murabbiyi Erik ten Xag strategiyasining asosiy o‘yinchisi emas va bu mavsumda Premyer-ligadagi dastlabki ikkita o‘yinni o‘tkazib yubordi. Shu munosabat bilan "Chelsi" uni o‘z safiga qo‘shib olmoqchi va buning evaziga Sterling va Chiluellni taklif qilishga tayyor.
Bundan tashqari, "Yuventus" ham Sanchoga qiziqayotgani aytilmoqda, biroq bir mavsumlik ijara variantini ko‘rib chiqmoqda. Biroq, "Manchester Yunayted" futbolchini ijaraga berishdan ko‘ra, ushbu transfer oynasida sotishni afzal ko‘radi.
