Braziliyalik hujumchi Vitor Roke “Barselona” klubini vaqtincha tark etdi.
“Ko‘k-anorranglilar” matbuot xizmati xabariga ko‘ra, 19 yoshli futbolchi “Betis”ga ijara asosida o‘tgan. Shartnoma joriy mavsum oxirigacha amal qiladi. Andalusiya klubi maosh to‘lashni o‘z zimmasiga oldi.
Bundan tashqari, ijara muddati tugaganidan keyin “Betis” hujumchini sotib olish huquqiga ega bo‘ladi. Roke “Barselona”ga 2024 yilning yanvarida kelib qo‘shilgan edi.
Umuman olganda, braziliyalik hujumchi Kataloniya jamoasi safida 16 ta o‘yin o‘tkazib, ikkita gol urgan.
