"Yuventus"ning sobiq yarim himoyachisi Xuan Kuadrado "Atalanta"ga o‘tishga yaqin turibdi, deya xabar beradi Sportitalia.

Manbaga ko‘ra, internetda 36 yoshli futbolchi tibbiy ko‘rikdan o‘tish uchun Milandagi klinikalardan biriga kelgani aks etgan video paydo bo‘lgan.

Eslatib o‘tamiz, Kuadrado "Inter" bilan shartnomasi tugaganidan so‘ng erkin agent maqomiga ega bo‘lib, u o‘tgan mavsumda 12 ta o‘yinda qatnashib, asosan o‘rinbosar sifatida maydonga tushdi va jamoadoshlari uchun ikkita golli uzatmani amalga oshira oldi .