"Valensiya" darvozaboni Giorgi Mamardashvili "Liverpul" safiga qo‘shildi, bu haqda insayder Fabrisio Romano ijtimoiy tarmoqda ma’lum qildi.

Manba bergan xabarga ko‘ra, bugun, 26 avgust kuni gruziyalik darvozabon tibbiy ko‘rikdan o‘tadi, shundan so‘ng 35 million yevrolik shartnoma kelajakda qayta sotish foizi varianti bilan imzolanadi, biroq u mersisaydliklar safiga 2025 yilning iyulida kelib qo‘shiladi.U bu mavsumda "Valensiya"da qoladi.

Germaniyadagi muvaffaqiyatli Yevropa chempionatidan so‘ng 23 yoshli Mamardashvili Transfermarkt.com portali talqiniga ko‘ra eng qimmat darvozabonga aylandi. U 45 million yevroga baholangan.