"Валенсия" дарвозабони Гиорги Мамардашвили "Ливерпуль" сафига қўшилди, бу ҳақда инсайдер Фабрицио Романо ижтимоий тармоқда маълум қилди.
Манба берган хабарга кўра, бугун, 26 август куни грузиялик дарвозабон тиббий кўрикдан ўтади, шундан сўнг 35 миллион евролик шартнома келажакда қайта сотиш фоизи варианти билан имзоланади, бироқ у мерсисайдликлар сафига 2025 йилнинг июлида келиб қўшилади.У бу мавсумда "Валенсия"да қолади.
Германиядаги муваффақиятли Европа чемпионатидан сўнг 23 ёшли Мамардашвили Transfermarkt.com портали талқинига кўра энг қиммат дарвозабонга айланди. У 45 миллион еврога баҳоланган.
