"Manchester Yunayted" afsonasi Rio Ferdinand "qizil iblislar" yarim himoyachi Skott Maktominini sotish niyatida tanqid qildi.

O‘tgan hafta oxirida "MYU" Maktominayni "Napoli"ga 25 million funt sterlingga sotishga rozi bo‘lgani xabar qilingandi. "Qizil iblislar" tushgan mablag‘ni "PSJ"dan Manuel Ugarteni taklif qilish uchun ishlatishi kutilmoqda.

Ferdinand Maktomineyning sotilishini xato deb hisoblaydi va har qanday jamoaga osmondan yulduz tutmaydigan, shu bilan birga jamoa uchun astoydil mehnat qiladigan futbolchilar zarurligini takidladi.

"Har bir futbolchi katta yulduz bo‘la olmaydi yoki juda mashhur bo‘la olmaydi. Men Skott Maktominayga shunday qarayman.

Men har doim aytganman, bu ligada Jon O`SHi, Ues Braun, Darren Fletcher, Chicharito, Ole-Gunnar Sulsher kabi futbolchilar kerak, xuddi bizning "MYU"dagidek.

Yoki Alvaresning "Manchester Siti"da bo‘lganidek yoki o‘tgan mavsumdagi Jeremi Doku kabi futbolchilar kerak. Har doim asosiy tarkibda bo‘lmasdan turib, o‘yinga ta’sir o‘tkazadigan futbolchilar.

Bunday o‘yinchilar juda katta qiymatga ega va ular klubning DNKsini tushunishadi, ayniqsa akademiyadan kelganlar. "Manchester Yunayted" har doim bunga amal qilib kelgan. Bu meni hayratda qoldiradi, chunki siz uni almashtirish uchun 30, 40, 50 million funt sarflashingiz kerak bo‘ladi. Bu arzon bo‘lmaydi.

Bu xavfli, chunki siz yangi o‘yinchidan nima olishingizni bilmaysiz, holbuki siz Maktomineyni yaxshi bilasiz. U o‘ynaganda o‘tadi. U har doim ham 10 balli shkalada sakkiz yoki to‘qqiz ballda o‘ynay olmaydi, lekin yetti ballga aniq o‘ynaydi. Lekin u sakkiz ballga o‘ynasa albatta gol urishini hamma biladi", - dedi Ferdinand Daily Mail bilan suhbatda.