O‘tgan yakshanba kuni Endrik "Real Madrid" safida La Ligadagi ilk golini urdi va "Bernabeu"da "Valyadolid"ni 3:0 hisobida mag‘lub etishga yordam berdi.

Braziliyalik futbolchining ushbu goli uning shartnomasidagi bonuslar nazarda tutilgan bir qancha bandlarni muhokama qilishga sabab bo‘lmoqda.

Braziliya matbuotiga ko‘ra, "Real" 2030 yilgacha Endrik tomonidan kiritilgan har bir gol, golli uzatma yoki penalti uchun "Palmeyras"ga pul to‘lashi kerak. Shu tariqa gol madridliklarga 35 000 yevroga tushgani aytilmoqda. Ammo hech bir tomon buni rasman tasdiqlamadi.

Endrikning "Qirollik klubi" bilan shartnomasida bir qancha bonuslar mavjud va "Palmeyras" yaxshigina qo‘shimcha pul ishlab olishi mumkin.

Braziliyaning Globo nashriga ko‘ra, futbolchining shartnomasidan bir nechta bandlar:

Har bir gol, golli pas, penalmti - 35 000 yevro.

Har bir o‘yin, asosiy tarkibda va kamida 45 daqiqa maydonda - 75 000 yevro.

"Real Madrid" Ispaniya chempioniga aylandi, Endrik esa asosiy tarkibda 8 ta o‘yin o‘tkazdi: 500 000 yevro.

Endrik 18 uchrashuvda asosiy tarkibda maydonga tushdi: 1 million yevro.

"Real" Chempionlar ligasida g‘olib chiqdi, Endrik esa 4ta o‘yinda asosiy tarkibda maydonga tushdi: 1 million yevro, agar 8 uchrashuvda o‘ynasa - 2 million yevro.

Endrik "Golden Boy" mukofotini olsa: 1 million yevro.

Endrik “Oltin to‘p”ning kuchli uchligiga kirsa: 1 million yevro.

Endrik “Oltin to‘p” yoki FIFAning “Eng yaxshi” mukofotini qo‘lga kiritsa: 2 million yevro.