"Lester" "Genk"dan Marokash terma jamoasi yarim himoyachisi Bilol El-Xannusni sotib oladi.

Bitim summasi 20,5 million yevro va bonuslar sifatida 4,5 millionni tashkil qiladi. Jurnalist Bob Fesenning so‘zlariga ko‘ra, Belgiya klubi futbolchini qayta sotishdan 15 foiz ulushni ham qo‘lga kiritishi mumkin.

20 yoshli yarim himoyachi ingliz klubi bilan 4 yillik shartnoma imzolashi kutilmoqda. Chorshanba kuni u tibbiy ko‘rikdan o‘tadi.

O‘tgan mavsumda El-Xannus Belgiya chempionatida 37 ta o‘yin o‘tkazib, gol-pas tizimidan foydalangan holda 9 (3+6) ochko jamg‘ardi. U Afrika kubogida Marokash terma jamoasida ham o‘ynagan.