"Лестер" "Генк"дан Марокаш терма жамоаси ярим ҳимоячиси Билол Эл-Ханнусни сотиб олади.
Битим суммаси 20,5 миллион евро ва бонуслар сифатида 4,5 миллионни ташкил қилади. Журналист Боб Фесеннинг сўзларига кўра, Бельгия клуби футболчини қайта сотишдан 15 фоиз улушни ҳам қўлга киритиши мумкин.
20 ёшли ярим ҳимоячи инглиз клуби билан 4 йиллик шартнома имзолаши кутилмоқда. Чоршанба куни у тиббий кўрикдан ўтади.
Ўтган мавсумда Эл-Ханнус Бельгия чемпионатида 37 та ўйин ўтказиб, гол-пас тизимидан фойдаланган ҳолда 9 (3+6) очко жамғарди. У Африка кубогида Марокаш терма жамоасида ҳам ўйнаган.
