"Lasio" himoya chizig‘ini kuchaytirish uchun Viktor Lindelyofni sotib olish variantini ko‘rib chiqmoqda, deya xabar beradi Janluka Di Marsio.
"Manchester Yunayted" o‘z futbolchisi uchun qancha pul olishni xohlayotgani yoki "burgutlar" qancha taklif qilishga tayyorligi ko‘rsatilmagan.
30 yoshli shvedning ingliz klubi bilan shartnomasi kelasi yozda yakuniga yetadi. U jamoada 2017 yilning iyunidan beri o‘ynamoqda, o‘shanda mankunianliklar "Benfika"ga 35 million yevro to‘lagan.
7 yil davomida Viktor 259 uchrashuvda 4 ta gol urdi va 7 ta golli uzatmani amalga oshirdi.
