"Galatasaroy" hujumchisi Uilfrid Zaa ijara asosida "Lion"ga o‘tishga yaqin turibdi, deya xabar beradi The Athletic nashri. 2024/25 yilgi mavsum uchun ijara hali kelishib olinmagan, ammo ikki klub kelishuvga yaqin.
31 yoshli futbolchiga shu yozda "Lester" va "Kristal Pelas" qiziqish bildirishdi, ammo futbolchining soliq majburiyatlari tufayli Premyer-ligaga qaytishi qiyin bo‘ldi.
Zaa o‘tgan yozda "Kristal Pelas" bilan shartnomasi tugaganidan keyin "Galatasaroy"ga erkin agent sifatida o‘tgan edi. Hujumchi “Galatasaroy” safida 43 ta o‘yinda maydonga tushib, 10 ta gol urgan, biroq bu o‘yinlarning faqat yarmi asosiy tarkibda maydonga tushgan.
